Танкі Т-34 праедуць па гарадах Беларусі "Маршам Перамогі"

Гарады Беларусі, удастоеныя вымпела "За мужнасць і стойкасць у гады Вялікай Айчыннай вайны", прымаюць "Марш Перамогі".

Сянно, Рэчыца, Слонім, Кобрын, Слаўгарад і Смалявічы - менавіта па гэтых гарадах правязуць легендарныя танкі Т-34, якія ўдзельнічалі ў парадзе 9 Мая ў Мінску. 28 мая баявая машына знаходзіцца ў Рэчыцы.

Першымі акцыю Міністэрства абароны прымалі жыхары і госці Сянно. Легендарны танк стаў экспанатам для шматлікіх фотасесій. Таксама перад гледачамі выступілі ваенны аркестр, кінолагі са службовымі сабакамі, адбыліся паказальныя выступленні разведчыкаў з элементамі рукапашнага бою.

Кампанія ваеннага ведамства працягваецца. Танкі Т-34 на "Маршы Перамогі" будуць сустракаць Слонім, Кобрын, Слаўгарад, а завершыцца акцыя 7 чэрвеня ў Смалявічах.