Каля 6 тыс. еўрапейцаў за два месяцы скарысталіся бязвізам для ўезду ў Беларусь

Грамадзяне Германіі і Эстоніі часцей за ўсіх наведвалі Беларусь за два месяцы пашыранага бязвізу.

Інфармацыю прыводзіць Дзяржпагранкамітэт Рэспублікі Беларусь. Нягледзячы на агрэсіўную палітыку ўлад гэтых і шэрагу іншых еўрапейскіх краін, простыя людзі з ЕС прыязджаюць у Беларусь, не баяцца пагроз, не вераць чуткам і довадам еўрапрапаганды.

За два месяцы каля 6 тыс. еўрапейцаў з 35 краін скарысталіся пашыраным бязвізам, заязджаючы ў Беларусь. Найбольшай папулярнасцю новы парадак уезду карыстаецца ў турыстаў з Германіі - больш як 2 тыс. чалавек і Эстоніі - больш за 1 тыс.

У пяцёрку краін таксама ўваходзяць Італія, Вялікабрытанія і Францыя. Безумоўна, часцей за ўсё Беларусь наведваюць грамадзяне сумежных дзяржаў. З пачатку года ў Беларусь заехалі 67 тыс. літоўцаў, палякаў - больш як 30 тыс., латвійцаў - амаль 15 тыс. чалавек. Больш дакладная інфармацыя размешчана на сайце Дзяржпагранкамітэта, і лічбы рэгулярна абнаўляюцца.

Усяго ж з 15 красавіка 2022 года (з пачатку дзеяння бязвізу) Рэспубліку Беларусь наведалі 967 тыс. жыхароў Еўропы. Калі тэндэнцыя захаваецца, то да канца 2024 года гэта лічба перавысіць 1 млн чалавек.