У Беларусі адзначаюць Дзень архівіста

Захавальнікі ключоў ад шматвекавой гісторыі нашай краіны адзначаюць прафесійнае свята. Сёння - Дзень архівіста.

У Нацыянальным архіўным фондзе Беларусі налічваецца амаль 13 млн адзінак захоўвання.

Гэта дакументы ад навукоўцаў, арганізацый і простых людзей. І менавіта да гэтых скарбаў усё часцей звяртаецца насельніцтва: у асноўным гэта пошук генеалагічнай інфармацыі. Акрамя захаванасці, камплектавання і выкарыстання дакументаў, важнай часткай з'яўляецца і іх алічбоўка.

Штогод у электронны выгляд перакладаецца амаль 2 млн старонак дакументаў. У цэлым у архіўных установах Беларусі працуюць больш за тысячу чалавек.

У штатную структуру ўваходзяць 10 рэспубліканскіх, 25 абласных і занальных архіўных устаноў, а таксама 122 тэрытарыяльныя архівы.

Таксама штогод архівы папаўняюцца на больш чым на 100 тыс. адзінак захоўвання дакументаў, якія маюць гістарычнае, навуковае, сацыяльнае, палітычнае і культурнае значэнне.

Штогод у архіўных установах праводзяцца капітальныя рамонты. Зараз практычна ўсе чытальныя залы па-сучаснаму абсталяваны. Асаблівая ўвага надаецца сістэмам пажаратушэння і камерам відэаназірання.