У Беларусі памятная дата - 81 год з моманту вызвалення вязняў Азарыцкіх лагераў смерці

19 сакавіка ў Беларусі памятная дата. 81 год з моманту вызвалення Чырвонай Арміяй вязняў Азарыцкіх лагераў смерці. Гэтае злачынства супраць народа, генацыд нацысцкай Германіі немагчыма забыць.

Ад наступу часцей Савецкай арміі вермахт прыкрываўся старымі, жанчынамі і дзецьмі. 50 тыс. чалавек былі сагнаныя ў балоты і знаходзіліся пад адкрытым небам без ежы, вады і цёплых рэчаў. Акрамя таго, вязні былі заражаныя сыпным тыфам. Іх хацелі выкарыстоўваць як біялагічную зброю, каб спыніць наступ савецкіх войскаў.

Дзерць, Падасіннік, Азарычы - гэта сапраўдныя фабрыкі смерці на пярэднім краі абароны. За 10 дзён лагер смерці забраў жыцці больш як 20 тыс. мірных жыхароў.