У Беларусі зацверджаны сацстандарты на перавозкі пасажыраў

У Беларусі зацвердзілі сацыяльныя стандарты на пасажырскія перавозкі.

Міністэрства транспарту і камунікацый прапісала мінімальную колькасць рэйсаў грамадскага транспарту ў населеныя пункты ў залежнасці ад колькасці жыхароў, а менавіта ва ўсе адміністрацыйныя цэнтры сельсаветаў павінна абавязкова выконвацца не менш як 16 рэйсаў грамадскага транспарту за тыдзень, а з 2026 года - не менш як 20. У аграгарадкі з колькасцю насельніцтва больш як 1 тыс. чалавек павінна быць арганізавана не менш за 28 рэйсаў на тыдзень. А вось для жыхароў невялікіх вёсак (да 50) грамадскі транспарт будзе хадзіць не радзей за чатыры разы на тыдзень. Калі ж жыхароў больш як паўсотні, то ўжо восем разоў.