У Беларусі ўзгадваюць ахвяр генацыду. У мемарыяльным комплексе "Шталаг-352" прайшоў памятны мітынг

9 снежня ва ўсім свеце ўзгадваюць ахвяр злачынства генацыду. Шталаг-352 - адно з самых кровапралітных месцаў знішчэння людзей у гады нямецка-фашысцкай акупацыі ў Мінску.

9 снежня ў мемарыяльным комплексе ахвяр канцлагера прайшла памятная цырымонія. Пачалася яна з малітвы ў храме Узвіжання Крыжа Гасподняга. Малебен узначаліў мітрапаліт Мінскі і Заслаўскі Веніямін. Затым прадстаўнікі гарадской улады, духавенства, юныя патрыёты ўсклалі кветкі да Вечнага агню і ўшанавалі памяць загінуўшых хвілінай маўчання.

Жудасныя старонкі нашай гісторыі назаўжды ўвекавечаны ў даце 9 снежня. У гэты дзень 76 гадоў таму з'явілася Канвенцыя аб папярэджанні злачынства генацыду і пакаранні за яго. Гэта рэзалюцыя стала першым дагаворам па правах чалавека, прынятым Генеральнай асамблеяй ААН.