У Чавускім раёне перапахавалі байцоў Чырвонай арміі

Беларусь памятае кожнага і свята захоўвае гістарычную праўду. У Чавускім раёне 23 чэрвеня з ушанаваннямі перапахавалі астанкі пецярых байцоў Чырвонай арміі. Яны выяўлены ў красавіку гэтага года пры ўдзеле байцоў клуба "Вікру" і 52-га спецыялізаванага батальёна Мінабароны. Памяць герояў ушанавалі хвілінай маўчання.

"Мы знаходзімся там, дзе літаральна праходзіла першая лінія абароны. Трымаліся да апошняга. Тут зямля паліта крывёй", - расказаў кіраўнік ваенна-патрыятычнага пошукавага клуба "Следапыт" Сяргей Тагаеў.

Анатоль Мацюлін, старшыня Чавускага раённага Савета дэпутатаў:

"Мы думаем пра тых людзей, якія склалі свае галовы за тое, каб жылі будучыя пакаленні. У тым ліку і ў мяне дзядуля загінуў, ён пахаваны на польскай зямлі. Мы нікому не павінны аддаць сваю Перамогу".

Загінуўшыя героі зараз у брацкіх пахаваннях населеных пунктаў Хількавічы, Кузьмінічы і Сутокі.