У Дальве ўшанавалі памяць ахвяр генацыду беларускага народа

Напярэдні Дня абаронцаў Айчыны мітынг памяці прайшоў у Дальве. Вёску ў 44-м годзе нацысты спалілі дашчэнту, разам з жыхарамі.

Ушанаваць памяць загінуўшых 21 лютага на месцы трагедыі сабраліся розныя пакаленні, якія аднолькава шануюць мір. Прадстаўнікі Савета ветэранаў Белтэлерадыёкампаніі - побач з моладдзю. Школьнікі і студэнты з Лагойскага раёна і Мінска паводле традыцыі ўзялі ўдзел у забегу памяці, а пасля ўсклалі кветкі да манумента.

У 1973 годзе на месцы трагедыі на невысокім пастаменце з'явіўся гранітны камень. За ім у кампазіцыі комплексу - чатырохметровая скульптура - фігура Маці. Гэта сімвал Радзімы.