У мемарыяльным комплексе "Трасцянец" ушанавалі памяць ахвяр генацыду беларускага народа

11 красавіка адзначаецца Міжнародны дзень вызвалення вязняў канцлагераў.

Памяць ахвяр генацыду беларускага народа ўшанавалі ў мемарыяльным комплексе "Трасцянец". Кветкі да манумента "Брама памяці" ўсклалі парламентарыі, моладзь з мінскіх ВНУ, кіраўніцтва горада і былыя вязні канцлагераў.

Трасцянец з'яўляецца адным з найбуйнейшых у Еўропе лагераў смерці. Паводле афіцыйных звестак, тут загінулі больш за 206 тыс. чалавек. Падчас расследаванняў крымінальнай справы аб генацыдзе ў гады Вялікай Айчыннай вайны Генпракуратура ўсталявала, што фактычна ў гэтым месцы былі знішчаны звыш 500 тыс. вязняў. Сёння ў гэтым журботным месцы лёгка зразумець, якой цаной дасталася Вялікая Перамога і як важна захоўваць мір на беларускай зямлі.

Трасцянец - адна са шматлікіх фабрык смерці часоў Вялікай Айчыннай вайны, дзе знішчалі людзей да канца чэрвеня 1944 года. Сёння на трагічным месцы ўсталяваны манумент.