У Мінску для ліквідацыі наступстваў ліўня задзейнічалі больш за 150 адзінак тэхнікі

Больш чым 150 адзінак тэхнікі задзейнічалі ў Мінску для ліквідацыі наступстваў ліўня. Стыхія на некаторы час паралізавала сталіцу.

Горад пачынае прыходзіць у сябе. На вуліцах працуюць МНС, ДАІ і аварыйныя службы.

Паводле аператыўных звестак ведамства, у Мінску пасля моцнага дажджу зафіксавана амаль два дзясяткі асноўных участкаў падтаплення праезнай часткі. У некаторых лакацыях вада нават закрывала капоты машын. Беларуская "венецыя" ўтварылася на Партызанскім праспекце. Сур'ёзныя патопы назіраліся ў "Мінск-Міры".

Для ліквідацыі наступстваў навальнічнага фронту былі задзейнічаны амаль 280 спецыялістаў. Пацярпелых на дадзены момант няма.