У Нацбібліятэцы прэзентуюць кнігу, прымеркаваную да 80-годдзя Перамогі

Словы падзякі абаронцам Радзімы прагучаць у "алмазе ведаў". 17 чэрвеня ў Нацыянальнай бібліятэцы Беларусі прэзентуюць зборнік прозы і паэзіі "Памяці загінуўшых - у імя жывых…".

Кніга прымеркавана да 80-годдзя Перамогі ў Вялікай Айчыннай вайне і выходзіць напярэдадні Усенароднага дня памяці ахвяр генацыду беларускага народа. У выданне ўвайшлі вершы, апавяданні і нарысы аўтараў з Беларусі, Расіі і Прыбалтыкі. На кніжнай выставе-праглядзе будуць дэманстравацца творы класікаў беларускай літаратуры і сучасных пісьменнікаў.

Арганізатарамі прэзентацыі выступілі Нацыянальная бібліятэка і Саюз пісьменнікаў Беларусі. Мерапрыемства стартуе а 16-й гадзіне ў галерэі "Лабірынт".