У ноч з 21 на 22 чэрвеня ў Брэсцкай крэпасці пройдзе канцэрт-рэквіем

Госці з розных куткоў Беларусі і замежжа 21 чэрвеня збіраюцца ў Брэсце, каб ушанаваць памяць абаронцаў, якія першымі падчас Вялікай Айчыннай вайны прынялі на сябе ўдар фашыстаў.

Памятныя мерапрыемствы, прысвечаныя Дню ўсенароднай памяці ахвяр Вялікай Айчыннай вайны і генацыду беларускага народа, пачнуцца ў 01:00 22 чэрвеня. Чакаецца, што будзе паказаны фільм "Лісты абаронцам Брэсцкай крэпасці", а таксама адбудзецца канцэрт-рэквіем. На сцэне выступяць артысты з Расіі. На досвітку першы бой узновяць 600 рэканструктараў. У легендарнай цытадэлі будзе выстаўлена кавалерыя і тэхніка 1940-х гадоў. Усяго ж у Брэст у гэтыя дні прыбылі больш за 30 дэлегацый з Расіі і Казахстана.