У Полацку 15 студзеня пасля рэстаўрацыі адкрыюць Спаса-Праабражэнскі храм

Доўгачаканая падзея для Беларусі. 15 студзеня ў Полацку пасля рэстаўрацыі адкрываецца Спаса-Праабражэнскі храм Спаса-Еўфрасіннеўскага манастыра. 

Унікальная святыня  была пабудавана ў XII стагоддзі па благаславенні прасвятой Еўфрасінні Полацкай.

Знадворку будынак Спаса-Праабражэнскага храма захаваўся ў абліччы XIX стагоддзя. Унутранае ўбранне, самабытныя фрэскавыя роспісы, датуюцца XII стагоддзем.

Сёлета Спаса-Еўфрасіннеўскі манастыр адзначыць 900-годдзе, і абноўлены выгляд храма на яго тэрыторыі - сапраўдны і неацэнны падарунак усім беларусам, якія жывуць пад заступніцтвам святой Еўфрасінні Полацкай.