Унікальныя архіўныя матэрыялы прэзентавалі ў Прэзідэнцкай бібліятэцы

Мы адзіныя - у гэтым наша сіла! Унікальныя архіўныя матэрыялы прэзентавалі ў Прэзідэнцкай бібліятэцы. У экспазіцыі дакументы нарматыўна-прававой базы станаўлення Саюзнай дзяржавы і публікацыі з СМІ, якія адлюстроўваюць ключавыя падзеі сяброўства народаў Беларусі і Расіі.

"Толькі знаходзячыся ў адзінстве, мы можам захаваць гістарычную памяць і супрацьстаяць шматлікім спробам перапісаць нашу агульную гісторыю" - фраза-лейтматыў на прэзентацыі архіўных дакументаў, звязаных з ключавымі вехамі будаўніцтва Саюзнай дзяржавы.

Гаварылі пра гістарычныя, гуманітарныя і культурныя кірункі развіцця дзвюх дзяржаў, пра паспяховую саюзную інтэграцыю. Нагадаем, што летась прэзідэнцкія бібліятэкі Расіі і Беларусі падпісалі пагадненне аб супрацоўніцтве. Час падводзіць вынікі.

Доступ да ўнікальных архіўных дакументаў - у кожнага чытача Прэзідэнцкай бібліятэкі. Гэта сапраўдная святыня друкаванага слова. У фондах больш за 1,5 млн дакументаў.