Урокі мужнасці і канцэрты - праект "Абеліскі вялікага подзвігу" зазірнуў у Смалявічы

Урокі мужнасці, канцэрты патрыятычнай песні і фотавыставы ў гонар 80-годдзя Вялікай Перамогі - мультыфарматны праект "Абеліскі вялікага подзвігу" крочыць па беларускіх гарадах, аб'ядноўваючы пакаленні ў захаванні гістарычнай праўды.

Так, на маршруце патрыётаў стаіць мемарыял "Разгром" ва ўрочышчы Стрыева Смалявіцкага раёна. Хвілінай маўчання ўдзельнікі мітынгу ўшанавалі памяць партызан, якія ў гады ваеннага ліхалецця адважна змагаліся з нямецка-фашысцкімі захопнікамі. Да падножжа бронзавай скульптуры салдата ўсклалі кветкі.

Нагадаем, што мемарыял "Разгром" названы ў гонар адной з найбуйнейшых партызанскіх брыгад Беларусі. 6 атрадаў (гэта каля 2 тыс. байцоў) удзельнічалі ў аперацыях адразу ў некалькіх раёнах Мінскай вобласці.