Успомніць гісторыю і жыхароў - аўтапрабег па гарадах-героях Беларусі і Расіі стартуе 29 красавіка

У Маскве напярэдадні 80-годдзя Перамогі анансавалі аўтапрабег "Гарады-героі - гарады герояў": 4 тысячы кіламетраў па месцах баявой славы і памяці. Аўтапрабег пройдзе па гарадах Расіі і Беларусі, якім у розны час было прысвоена званне "горад-герой".

Гэта вышэйшая ступень адзнакі, якую атрымлівалі за гераічную абарону падчас Вялікай Айчыннай вайны.

Маршрут падзялілі на тры часткі: "Паўночны" - гэта Мурманск і Санкт-Пецярбург; "Заходні" - Брэсцкая крэпасць, Мінск, Смаленск; "Паўднёвы" - Севастопаль, Керч, Наварасійск, Валгаград, Тула. Старт і фініш будуць праходзіць у Маскве. Як адзначылі арганізатары, асноўная мэта аўтапрабегу не толькі ўспомніць гісторыю гэтых гарадоў, а ў першую чаргу распавесці пра жыхароў, якія, часам коштам уласнага жыцця, абаранялі родныя месцы ад нямецкіх акупантаў.