Беларуская гімнастка Дар'я Вярэніч атрымала чатыры залатыя медалі на турніры ў Баку

Беларуска Дар'я Вярэніч стала чатырохразовай пераможніцай міжнароднага турніру па мастацкай гімнастыцы AGF Trophy ў Баку, паведамляе БЕЛТА.

30 сакавіка ўдзельніцы спаборніцтваў вызначылі наймацнейшых у фіналах асобных відаў. Дар'я Вярэніч выступіла ў трох фіналах сярод сеніёрак і атрымала перамогу ў кожным з іх - у практыкаваннях з абручом (27,100 бала), стужкай (27,450) і булавамі (27,800). Напярэдадні беларуска заваявала золата ў мнагабор'і.

За медалі ў практыкаванні з мячом змагалася беларуска Ніколь Лявута, якая заняла ў выніку пятае месца. Беларускую каманду ў сталіцы Азербайджана таксама прадстаўляла Аліна Рэчкіна. Усяго міжнародны турнір па мастацкай гімнастыцы сабраў у Баку грацый з 16 краін.