У Беларусі на 23 красавіка аб'яўлены аранжавы ўзровень небяспекі з-за ветру

Сіноптыкі ў Беларусі на 23 красавіка аб'явілі аранжавы ўзровень небяспекі, паведамляе БЕЛТА, спасылаючыся Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Сёння будзе пераменная воблачнасць. У шматлікіх раёнах пройдуць кароткачасовыя ападкі (дождж, месцамі з мокрым снегам). Вецер прагназуецца паўночна-заходні, паўночны 5-10 м/с, з парывамі да 14 м/с, раніцай і днём на большай частцы тэрыторыі краіны - да 15-20 м/с. Аб'яўлены аранжавы ўзровень небяспекі з-за моцнага ветру.

Тэмпература паветра складзе ад плюс 6 па паўночным усходзе да 15 градусаў цяпла па паўднёвым захадзе.