Два матчы заяўлены ў праграме гульнявога дня 23 жніўня на Кубку Дружбы па хакеі

Сёння працягваем сачыць за Кубкам Дружбы, які прымае Гомель. У праграме чарговага гульнявога дня дзве сустрэчы.

Першымі на лёд выйдуць расійскі "Хімік" і "Віцебск". У 12:45 адбудзецца стартавае ўкідванне. Затым у 16:45 будзем назіраць за паядынкам "Гомеля" і "Намада" з Казахстана. Абодва матчы ў прамым эфіры пакажа тэлеканал "Беларусь 5".

Па выніках турніру дзве лепшыя каманды выйдуць у "Фінал чатырох", які адбудзецца ў студзені ў Мінску.