Раўбічы гатовыя прыняць Кубак наймацнейшых

Спарткомплекс "Раўбічы" гатовы прымаць Кубак наймацнейшых спартсменаў па біятлоне. Сваё рашэнне аргкамітэт спаборніцтваў аб'явіў 3 лютага.

Прычым на гэта ніяк не паўплывалі ўмовы надвор’я - буйны старт Беларусь прымала бы ў любым выпадку (траса была падрыхтавана загадзя). Аднак марознае надвор'е ў гэтыя дні дапамагае работнікам комплексу нарыхтаваць яшчэ больш снегу, які таксама можна будзе выкарыстаць на Кубку наймацнейшых.

Днём працуе 11 снежных гармат, а вечарам уключаць яшчэ дзве. Пры гэтым, адзначае кіраўніцтва комплексу, задзейнічаны далёка не ўвесь інвентар.

Больш за 80 страляючых лыжнікаў з Беларусі і Расіі будуць змагацца за ўзнагароды турніру. Усяго на Кубку наймацнейшых будзе разыграна 10 камплектаў узнагарод. Спаборніцтвы стартуюць 15 лютага спрынтамі, таксама ў праграме пасьюты, індывідуальныя гонкі, мас-старты і змяшаная эстафета. Заключны дзень спаборніцтваў - 23 лютага.