Спаборніцтвы па біятлоне на Кубку Расіі ў Разані прадоўжацца гонкамі праследавання

Біятлонныя спаборніцтвы на Кубку Расіі ў Разані прадоўжацца 11 студзеня гонкамі праследавання. Іх у прамым эфіры пакажа канал "Беларусь 5".

Дзмітрый Лазоўскі, адзін з лідараў зборнай Беларусі, у спрынтарскай гонцы, што адбылася ў пятніцу, 10 студзеня, паказаў стральбу экстра-класа, закрыў усе 10 мішэняў на двух рубяжах і праляцеў дыстанцыю. У выніку заслужанае першае месца.

Максім Варабей таксама быў бездакорны на агнявых рубяжах і спыніўся за крок ад п’едэстала. У яго 4-е месца. Ілья Аўсеенка стаў 13-м, Антон Смольскі ў выніковым пратаколе размясціўся на 15-й пазіцыі. Антон Бялько размясціўся на 26-м месцы. Іван Тулацін і Мікіта Лобастаў завяршылі гонку ў чацвёртым дзясятку. Але сёння ўсе змогуць у пасьюце свае пазіцыі палепшыць, як і дзяўчаты.

Адразу тры беларускія біятланісткі ўвайшлі ў топ-10 па выніках спрынту. Дзінара Смольская стала 7-й, Ірына Шклеіна 8-й, на 10-й пазіцыі фінішавала Ганна Сола. Перамогу ж святкавала расіянка Паліна Плюснна.

Субота - дзень гонак праследавання. А 11-й гадзіне старт мужчынскіх спаборніцтваў, а 14-й - жаночых. У прамым эфіры спаборніцтвы ў Разані ў поўным аб'ёме пакажа тэлеканал "Беларусь 5".