15 верасня ў Вярхоўным Судзе пачнецца разгляд справы ў дачыненні да ката Хатыні Восіпа Вінніцкага

Вярхоўны Суд Беларусі 15 верасня пачне разглядаць крымінальную справу ў дачыненні да чарговага ката Хатыні - Восіпа Вінніцкага. З матэрыялаў справы вядома, што ён быў памагатым нацыстаў.

У пачатку жніўня генеральны пракурор накіраваў у Вярхоўны Суд крымінальную справу па абвінавачанні Вінніцкага ў генацыдзе. Паводле звестак пракуратуры, ён быў членам арганізацыі ўкраінскіх нацыяналістаў, а таксама ўдзельнікам фарміравання "Букавінскі курань". Восенню 1942 года ён увайшоў у склад 118-га батальёна ахоўнай паліцыі.

Валерый Талкачоў, кіраўнік следчай групы Генпракуратуры па расследаванні крымінальнай справы аб генацыдзе:

"Падчас расследаванняў Генеральнай пракуратурай сабраныя неабвяргальныя доказы, якія пацвярджаюць удзел Вінніцкага ў карных аперацыях асабіста альбо пасродкам давання загадаў сваім падначаленым. Таксама ўстаноўлены яго ўдзел у знішчэнні жыхароў шэрагу вёсак, у тым ліку вёскі Хатынь".

Справа Вінніцкага вылучана ў асобную спецвытворчасць з крымінальнай справы па факце генацыду беларускага народа.