Ад актыўнай моладзі да вядучых спікераў. Праект "Актуальны мікрафон" стартаваў у Мінску

Праект "Актуальны мікрафон" маштабна стартаваў у сталіцы. Мэта - абмеркаваць самыя значныя падзеі, якія маюць уплыў на нашу краіну.

Ён сабраў некалькі сотняў удзельнікаў: ад актыўнай студэнцкай моладзі да вядучых спікераў краіны, а таксама прадстаўнікоў палітычнай партыі "Белая Русь".

Галоўная тэма сустрэчы - "Беларусь - гэта МЫ". Дыялог прысвяцілі будучаму Дню народнага адзінства. Удзельнікі абмеркавалі шматканфесійнасць, шматграннасць нашай краіны, а таксама яе будучыню.

Акрамя цікавай размовы, удзельнікаў чакалі займальныя актыўнасці: дэгустацыі беларускіх прадуктаў, конкурсы і віктарыны.

"Актуальны мікрафон" прадоўжыць працу ўжо на раённых пляцоўках сталіцы.