Актуальную інфармацыю пра ход галасавання дае Інфармацыйны цэнтр ЦВК

Актуальную інфармацыю пра ход галасавання гэтымі днямі будзе акумуляваць Інфармацыйны цэнтр ЦВК Беларусі. Ён пачаў працаваць у Палацы Рэспублікі.

На выбарах Прэзідэнта гэтым разам Інфармацыйны цэнтр ЦВК Беларусі будзе працаваць 4 дні. На дзень даўжэй, чым звычайна. І звязана гэта з тым, што ў сталіцы зараз праходзіць канферэнцыя кіраўнікоў ЦВК краін СНД.

Як жыць і па якім вектары будзе далей развівацца краіна, беларусы заўсёды вызначалі самі. Выбары мы заўсёды праводзім для сябе. Прэзідэнцкія кампаніі, як правіла, вылучаюцца высокай яўкай выбаршчыкаў. І ход цяперашняга датэрміновага галасавання гэта толькі пацвярджае. Уся праўдзівая і аператыўная інфармацыя аб выбарах Прэзідэнта па традыцыі будзе акумулявацца ў Інфацэнтры ЦВК (відэа).