Беларускія паралімпійцы да 80-годдзя Вялікай Перамогі высадзілі 40 дрэў у парку 900-годдзя Мінска

Беларускія паралімпійцы, якія прасляўляюць краіну на найбуйнейшых сусветных арэнах, сталі ўдзельнікамі мітынгу-рэквіема ў адным з мінскіх паркаў.

Акцыя прайшла 8 красавіка ў парку 900-годдзя Мінска каля "Чыжоўка-Арэны". Беларускія праслаўленыя паралімпійскія чэмпіёны і прызёры высадзілі алею і паклапаціліся такім чынам аб будучым пакаленні.

"З пераездам у свой дом пастаянна прыходзіцца нешта высаджваць, працаваць з зямлёй. А пры рабоце з ёй атрымліваеш зарад эндарфінаў, заўсёды здаволены пасля такіх заняткаў", - падзяліўся эмоцыямі 21-разовы чэмпіён Паралімпійскіх гульняў Ігар Бокі.

Чэмпіён Паралімпійскіх гульняў - 2024 Ягор Шчалканаў лічыць, што яны робяць дзве добрыя справы адразу - азеляняюць любімую краіну і даюць тым самым прыклад моладзі.

Алег Шэпель, старшыня Паралімпійскага камітэта Беларусі:

"Гэта мерапрыемства прымеркавана да 80-годдзя Вялікай Перамогі. Спартсмены-паралімпійцы сваімі вынікамі і актыўнай жыццёвай пазіцыяй паказваюць, што яны могуць калі не ўсё, то вельмі-вельмі шмат".

Сімвалічна, што ўсяго высаджана 40 дрэў - роўна столькі ў нас у Беларусі дэфлімпійскіх і паралімпійскіх чэмпіёнаў. Высаджаны дрэвы ў форме пяці алімпійскіх кольцаў. Кампазіцыя з дрэў з'явілася ў гонар 80-годдзя перамогі ў Вялікай Айчыннай вайне.