Да Тыдня бацькоўскай любові далучыўся Беларускі саюз жанчын

Падтрымка мацярынства і бацькоўства - наш нацыянальны прыярытэт, а сямейная палітыка - аснова дабрабыту грамадства і фундамент дзяржавы!

Да Тыдня бацькоўскай любові далучыўся Беларускі саюз жанчын. Пад іх патранатам у Белдзяржцырку арганізавалі паказ для выхаванцаў дзіцячых сацыяльных устаноў.

Той самы рэдкі выпадак, калі казка становіцца быллю! Гэты дзень удзельнікі акцыі запомняць надоўга! Прыехалі ў Мінск, паабедалі ў цэнтры сталіцы, зрабілі здымкі на пляцоўцы фотазоны і атрымалі сваю порцыю папкорна. Важная частка дня - самая відовішчная - паказ Казанскага дзяржаўнага цырка. Чаканні былі ў кожнага свае!

Казань і Мінск - гарады-пабрацімы, і артысты прыязджаюць сюды з асаблівай радасцю. Гэтым разам прывезлі праграму пра любоў да татарскага народа і яго вытокаў.

У рамках Тыдня бацькоўскай любові ў Белдзяржцырку сабралося больш за сотню дзяцей з Гродзенскай і Брэсцкай абласцей. Гэта выхаванцы сацыяльна-педагагічных цэнтраў, дамоў сямейнага тыпу і іншых сацыяльных устаноў. На гэтым, гавораць арганізатары, сюрпрызы не сканчаюцца.