ДАІ папярэджвае, што 25 сакавіка ў цэнтры Мінска будзе абмежаваны рух

У сувязі з важнай палітычнай падзеяй 25 сакавіка будзе часова перакрыты рух у цэнтры Мінска, пра гэта паведамілі ў ДАІ.

Прыйдзецца праехаць у аб'езд. У ведамстве раяць жыхарам і гасцям сталіцы ўлічваць гэту інфармацыю пры выбары маршруту.

"25 сакавіка ў перыяд  з 11:00 да 13:30 у сувязі з правядзеннем мерапрыемстваў у цэнтральнай частцы горада на асобных участках праспекта Незалежнасці і праспекта Пераможцаў будзе ўводзіцца кароткачасовае абмежаванне руху ўсіх відаў транспарту, уключаючы грамадскі", - падкрэсліў начальнік УДАІ ГУУС Мінгарвыканкама Сяргей Бабіч.