ДМК: 17 лістапада з 02:00 будуць адкрыты польскія ПП "Кузня-Беластоцкая" і "Баброўнікі"

Як паведаміў Дзяржаўны мытны камітэт, 17 лістапада з 2:00 будуць адкрыты польскія пункты пропуску "Кузня-Беластоцкая" і "Баброўнікі". Польшча афіцыйна апавясціла аб гэтым беларускі бок.

Праз "Кузню" будзе дазволены толькі пасажырскі рух, за выключэннем аўтобусаў, а праз "Баброўнікі" - легкавых аўтамабіляў і аўтобусаў, а таксама грузавікоў з краін ЕС, краін - удзельніц Пагаднення аб Еўрапейскай эканамічнай прасторы і Швейцарыі.

Мытныя органы цалкам гатовы да аднаўлення руху ў сумежных беларускіх пунктах пропуску "Брузгі" і "Бераставіца" - мытныя змены ўкамплектаваны, інфраструктура ўдасканалена, усе наяўныя тут тэхнічныя сродкі функцыянуюць.