Гарачая пара ў гандлі - у Мінску адкрыта каля 200 гандлёвых пунктаў, у якіх прадаюць кветкі

Святочны сакавік - гэта не толькі віншаванні, але яшчэ і гарачая пара ў гандлі. Ужо некалькі дзён па ўсёй краіне працуюць кветкавыя базары. У сталіцы адкрыта амаль 200 гандлёвых пунктаў.

Гандаль кветкамі разгарнуўся літаральна ўсюды - на кірмашах, прыпынках, каля магазінаў, у падземных пераходах. Цэны на беларускія цюльпаны пачынаюцца ад 3 рублёў за штуку. Выбар таксама вялікі: па колеры, гатунку, кошце. Словам, усё для таго, каб любы мужчына па дарозе дадому змог купіць букецік.

Час, каб набыць падарунак напярэдадні свята, яшчэ ёсць. Кветкавыя базары будуць працаваць увесь дзень 7 і 8 сакавіка. Як гаворыцца, было б жаданне, а нагода парадаваць блізкіх знойдзецца заўсёды. І няхай іх будзе як мага больш, і не толькі 8 Сакавіка! З надыходзячым святам, нашы дарагія і незвычайныя!