Гульцы хакейнай каманды Прэзідэнта правялі майстар-клас для выхаванцаў Гарадзейскай школы-інтэрната

У Беларусі ёсць добрая традыцыя. Дарыць цяпло, увагу і падарункі тым, каму гэта вельмі патрэбна. Традыцыі пад назвай "Калядная" споўнілася 13 гадоў. Сёлета яе ўдзельнікамі сталі выхаванцы Гарадзейскай спецыяльнай школы-інтэрната.

У Мінск на майстар-клас ад хакеістаў каманды Прэзідэнта Беларусі хлопцы ехалі не з пустымі рукамі. Напярэдадні майстравалі, ляпілі і ўпрыгожвалі прыбраных снегавікоў і вельмі хваляваліся. Бо шматлікім трэба было зрабіць толькі першыя крокі па лёдзе.

Хакеісты са сваімі падапечнымі дружна выйшлі на лёд. І тут стала зразумела: галоўнае - не ўменне, а жаданне. Больш смялейшыя дзеці ўдзельнічалі ў конкурсах на хуткасць і дакладнасць кідка па варотах. Перамагла дружба, а ўзнагародай стаў выдатны настрой і маса эмоцый.

На памяць сваім новым сябрам рабяты прывезлі тых самых снегавікоў, зробленых сваімі рукамі. А пасля адправіліся на навагодняе прадстаўленне, яшчэ нават не здагадваючыся, што дома іх ужо чакаюць падарункі ад сённяшніх настаўнікаў. Сюрпрызы адрасныя, а таму самыя доўгачаканыя.