Каб змяніць свет, неабходна адзінства - галоўны пасыл Беларусі на асамблеі Міжпарламенцкага саюза

Парламентарыі як архітэктары сацыяльнай палітыкі павінны актыўна прымаць законы, накіраваныя на абарону правоў грамадзян, забеспячэнне сацыяльнай роўнасці, стварэнне ўмоў для годнага ўзроўню жыцця, а таксама падтрымку ўразлівых слаёў насельніцтва. Гэта заявіла 6 красавіка ў Ташкенце старшыня Савета Рэспублікі Нацыянальнага сходу Беларусі Наталля Качанава.

Беларуская дэлегацыя бярэ ўдзел у 150-й асамблеі Міжпарламенцкага саюза. Нашы парламентарыі знаходзяцца ва Узбекістане з афіцыйным візітам. На асамблеі абмяркоўваюцца такія пытанні, як скарачэнне беднасці, стварэнне годных умоў працы. Усе разумеюць: канфлікты перашкаджаюць развіццю краін.

На гэтым фоне запыт на сацыяльную справядлівасць выходзіць на першы план. І каб змяніць свет, парламентарыі павінны быць адзіныя, ствараць законы ад жыцця, каб у цэнтры палітыкі заўсёды заставаўся чалавек, як гэта адбываецца ў Беларусі.