Калі запатрабаваны, то будзеш замацаваны - у Беларусі набірае абароты будаўніцтва арэнднага жылля

Беларусы зрабілі свой выбар на карысць дзеючага курсу, а значыць моцнай эканомікі, сацыяльных гарантый і росту якасці жыцця. Узяць нават першы ўказ Першага на гэтым тыдні. Пра асаблівасці прадастаўлення і выкарыстання арэнднага жылля.

Калі сцісла, атрымаць кватэру зараз стане прасцей і танней. Мясцовая ўлада будзе вызначаць, якія спецыялісты патрэбны рэальнаму сектару эканомікі і сацыяльнай сферы рэгіёна. І ад гэтага будзе залежаць размеркаванне арэнднага жылля. Яшчэ адзін важны момант. Разлічваць плату будуць па паніжаючым каэфіцыенце. Гэта значыць, кватэры стануць больш даступнымі. Рашэнне дапаможа прыцягваць работнікаў у тыя сферы і тыя рэгіёны, дзе патрэбнасць у кадрах высокая (гл. у відэа).