Першы 10-тысячнік вызначыўся ў Беларусі

Беларускія аграрыі збіраюць ураджай. На палях ідзе актыўная ўборка кукурузы на зерне. Толькі на ўсходзе краіны - у Магілёўскай вобласці - апрацавана 26 тысяч гектараў. Чвэрць ураджаю ўжо ў засеках. Механізатары працуюць у палях увесь дзень - надвор'е дазваляе. Вызначыўся і першы ў краіне 10-тысячнік па намалоце збожжавых, у тым ліку "царыцы палёў". Ім стаў нязменны лідар уборачнай Сяргей Май з сельгаспрадпрыемства "Сервалюкс Агра".

"Добра быць першым. Дагэтуль убіралі пшаніцу, ячмень, затым рапс убралі, зараз перайшлі на ўборку кукурузы. Стараемся, ураджай добры. Прыехалі ўзнагароджваць за маю працу - гэта прыемна", - падзяліўся ўражаннямі Сяргей Май.

Дарэчы, толькі ў "Сервалюкс Агра" пад кукурузу на зерне сёлета адвялі звыш 1700 гектараў. 65 % ужо апрацавана.