Раство Прасвятой Багародзіцы адзначаюць 21 верасня праваслаўныя вернікі

21 верасня праваслаўныя вернікі адзначаюць Раство Прасвятой Багародзіцы, паведамляе БЕЛТА.

Свята з'яўляецца адным з двунадзясятых непераходзячых, усталяваным у гонар нараджэння Прачыстай Дзевы Марыі. Менавіта з гэтага дня вядзе свой адлік гадавы круг царкоўных святаў.

У дзень святкавання Раства Прасвятой Багародзіцы ў храмах праходзіць урачыстае богаслужэнне, якому папярэднічае ўсяночная.

Традыцыйным абрадавым дзействам падчас гэтага свята лічылася выпяканне асаблівага хлеба з літарамі "Р" і "Б", што сімвалізуюць назву - Раство Багародзіцы. Такі хлеб раздавалі ўсім сваякам і сябрам, а таксама ім частавалі хворых. Людзі верылі, што, ужываючы ў ежу хлеб і запіваючы яго святой вадой, яны выганяюць свае хваробы.