"Святыня для ўсіх". Агульная малітва Багародзіцы маштабна прагучала пад адкрытым небам Браслава

Браслаў працягвае жыць фестывалем. На духоўнае свята прыбылі сотні людзей. Усе яны спяшаюцца схіліцца перад святыняй края - цудатворнай іконай Маці Божай Браслаўскай. Агульная малітва Багародзіцы маштабна прагучала сёння пад адкрытым небам.

На пляцоўцы ля касцёла Нараджэня Найсвяцейшай Дзевы Марыі адбылося ўрачыстае набажэнства. Спецыяльны госць свята - Апостальскі нунцый Іньяцыя Чэфаліа. Літургія, як і сам Браслаўскі фэст, традыцыйна натхняе ўдзельнікаў форуму.

Браслаў - каталіцкі цэнтр, знакаміты на ўсю Беларусь. Браслаўскі касцёл носіць статус малой базілікі. Таксама тут асоба ўшанавана месца захавання святых рэліквіі.