У Беларусі захоўваецца попыт на рабочыя спецыяльнасці

Беларусь - краіна адкрытых вакансій. 12 жніўня ў Мінску расказалі пра бягучую сітуацыю на рынку працы.

Узровень беспрацоўя складае 2,6 % - гэта адзін з мінімальных паказчыкаў з 2012 года. У краіне па-ранейшаму захоўваецца высокі попыт на рабочыя спецыяльнасці. Найбольшая патрэбнасць у кадрах - у сферах прамысловасці, сельскай гаспадаркі, будаўніцтва, аховы здароўя, транспарту і адукацыі.

Максім Фларынскі, начальнік галоўнага ўпраўлення палітыкі занятасці Міністэрства працы і сацабароны Беларусі:

"З улікам дэмаграфічных працэсаў, якія адбываюцца ў нашай краіне, рынак працы наймальніка ў нас ператварыўся ў рынак працы саіскальніка. Сёння любы грамадзянін, які жадае працаўладкавацца, можа памяняць работу. Нашы вытворчыя сілы - гэта людзі ад 30 да 50 гадоў. Разам з тым, мы бачым, што асноўны рэзерв складае наша моладзь ад 16 да 30 гадоў".

Нагадаем, знайсці працу можна праз службу занятасці, кірмашы вакансій або адкрыць уласную справу на дзяржаўныя субсідыі.