У Чэрвені ўстанавілі памятную дошку касанаўту Алегу Навіцкаму

У Чэрвені адкрылі памятную дошку ў гонар лётчыка-касманаўта, ганаровага грамадзяніна Мінскай вобласці Алега Навіцкага. Урачыстая цырымонія прайшла напярэдадні яго дня нараджэння.

Мемарыяльная шыльда з'явілася на фасадзе другой школы, дзе і вучыўся ўраджэнец Чэрвеньшчыны. Ідэйным натхняльнікам і аўтарам працы стаў народны мастак Беларусі Іван Міско. Сярод ганаровых гасцей была і першая жанчына-касманаўт суверэннай Беларусі, герой нашай краіны Марына Васілеўская.

Таксама госці наведалі абноўлены школьны музей касманаўтыкі. Ён быў створаны ў верасні 2013 года. Цяпер тут правялі рэканструкцыю. У аснове экспазіцыі - асабістыя рэчы Алега Навіцкага. У будучыні экспазіцыя папоўніцца новымі экзэмплярамі. У памяць аб знакавай падзеі "зорныя" госці пакінулі аўтограф у кнізе пажаданняў.

Таксама ў Доме культуры прайшла дыялогавая пляцоўка. Школьнікі, выхаванцы ваенна-патрыятычнага клуба змаглі задаць пытанні касманаўтам. Марына Васілеўская і Алег Навіцкі падзяліліся з моладдзю сваімі ўспамінамі аб палёце на МКС і планамі на будучыню.

У гонар знакавай сустрэчы навучэнцы дзіцячай школы мастацтваў падрыхтавалі работы на тэму космасу.