У Мінску пройдзе пасяджэнне Групы высокага ўзроўню Саюзнай дзяржавы - на парадку дзясяткі пытанняў

У Мінску 27 верасня збіраецца Група высокага ўзроўню Саюзнай дзяржавы. На парадку некалькі дзясяткаў пытанняў, якія закранаюць двухбаковае супрацоўніцтва Беларусі і Расіі.

Пра што будуць гаварыць сёння і ў якім фармаце пройдзе пасяджэнне, расказала Святлана Лук'янюк.

У Мінску адкрываецца пасяджэнне Групы высокага ўзроўню Саюзнай дзяржавы. Такі фармат, дарэчы, не новы. Папярэдняе пасяджэнне групы праходзіла гэтым летам у Смаленску.

Трэба сказаць, што фармат дзейнічае з 2012 года, і група - у дапамогу Савету Міністраў Саюзнай дзяржавы. Разглядаюцца самыя актуальныя пытанні супрацоўніцтва Беларусі і Расіі. Як было заяўлена раней, на парадку не менш за два дзясяткі пытанняў з розных сфер: транспарту, аховы здароўя, інфармацыйных тэхналогій.

Сёння будуць гаварыць аб чыгуначных перавозках паміж гарадамі Беларусі Расіі, гэта датычыцца пасажырскіх і грузаперавозак. Улічваючы, што ў нас адзіная эканамічная прастора, адзіны рынак, то ўздымецца пытанне аховы праў спажыўцоў.

Размова пойдзе і аб падрыхтоўцы пасяджэнняў, што чакаюцца найбліжэйшым часам, - гэта саюзны Савет Міністраў і Вышэйшы дзяржсавет. Абмяркуюць тэмы, якія будуць разглядацца на ўзроўні прэм'ер-міністраў Саюзнай дзяржавы, а таксама кіраўнікоў дзяржаў.

Нагадаем, што з беларускага боку выступіць сустаршыня Групы высокага ўзроўню - кіраўнік Адміністрацыі Прэзідэнта Дзмітрый Крутой, з расійскага - віцэ-прэм'ер расійскага ўрада Аляксей Авярчук і дзяржсакратар Саюзнай дзяржавы Дзмітрый Мезенцаў.