У Палацы прафсаюзаў працуюць міжнародныя назіральнікі ад АДКБ

У Палацы прафсаюзаў становішча спакойнае, працуюць зладжана, але ва ўзмоцненым рэжыме.

Нагадаем, што ў Цэнтр грамадскага назірання за выбарамі з 8 гадзін раніцы сцякаецца ўся інфармацыя з выбарчых участкаў у рэжыме рэальнага часу. За гэта адказваюць нацыянальныя назіральнікі - каля 35 тыс. чалавек.

Дзверы Палаца культуры прафсаюзаў адчынены не толькі для журналістаў, але яшчэ і для назіральнікаў. З раніцы сюды прыязджаюць міжнародныя дэлегацыі. Бо выбары ў нашай краіне праходзяць максімальна адкрыта. Экскурсію правялі для прадстаўнікоў місіі назіральнікаў ад АДКБ.

Гарачая лінія адчынена да 8 вечара. Таксама атрымаць неабходную інфармацыю можна ў чат-боце тэлеграм-канала з назвай "Народны кантроль".