Вербную нядзелю сёлета ў адзін дзень адзначаюць праваслаўныя, католікі і пратэстанты

У хрысціян сёння вялікае і светлае свята - Уваход Гасподні ў Іерусалім, у нашых шырынях названы Вербнай нядзеляй. Сёлета ў адзін дзень яго адзначаюць і праваслаўныя, і католікі, і пратэстанты.

Ва ўсіх храмах праходзяць урачыстыя набажэнствы, дзе ўспамінаюць евангельскую падзею - дзень, калі Ісуса сустракалі ў Іерусаліме, заслаўшы яму дарогу пальмавым лісцем. Іх у нашых шырынях замяняюць вярбой - першай раслінай, якая ажывае пасля зімы.

Сённяшнія вернікі праяўляюць салідарнасць з біблейскімі падзеямі, якім больш як 2 тысяч гадоў - яны прыходзяць у храмы таксама з упрыгожанымі галінамі, асвячаюць іх і захоўваюць дома як каштоўную рэліквію.