З'езд малых гарадоў Беларусі і Расіі. Раскажам, дзе пабывалі ўдзельнікі і пра што дамовіліся

З'езд малых гарадоў Беларусі і Расіі стаў моцным штуршком у развіцці двухбаковых адносін. Па сутнасці гэта ўнікальная пляцоўка для абмену вопытам і выбудоўвання стратэгіі ўзаемадзеяння ў бізнесе, культуры і адукацыі.

Раскажам, дзе пабывалі ўдзельнікі і пра што дамовіліся.

IV З'езд малых гарадоў Беларусі і Расіі праходзіць адначасова на некалькіх пляцоўках у Гродзенскай вобласці. Асноўная мэта ўдзельнікаў форуму - абмяняцца вопытам, прэзентаваць сумесныя праекты і падпісаць пагадненні аб далейшым супрацоўніцтве.

Альянс раёнаў Гродзенскай вобласці па ўстойлівым развіцці, створаны ў 2021 годзе, стаў асновай для такіх сустрэч. За чатыры гады бакі выбудавалі трывалае супрацоўніцтва ў сферах мясцовага самакіравання, АПК, эканомікі, турызму і маладзёжнай палітыкі (глядзіце відэа).