Беларуска Данілюк заваявала бронзу ў скрэтчы на юніёрскім ЧС па веласпорце

Пераможныя навіны прыйшлі з Нідэрландаў, якія гэтымі днямі прымаюць юніёрскі чэмпіянат свету па веласпорце на трэку.

У стартавы дзень першынства наша Яна Данілюк адкрыла лік медалям у беларускай скарбонцы. Спартсменка з Брэсцкай вобласці выйграла бронзу ў скрэтчы, уступіўшы толькі прадстаўніцам Амерыкі і Бельгіі. Такім чынам, велагоншчыца палепшыла свой жа вынік у гэтай дысцыпліне, бо на нядаўна мінулым чэмпіянаце Еўропы яна была толькі пятай.

Планетарны форум у Нідэрландах працягнецца і 21 жніўня. Усяго за пяць спаборніцкіх дзён будуць разгуляны медалі ў 11 відах праграмы.