Bison Race 2025: у Сілічах адбылася камандная гонка з перашкодамі

10 гадоў з дня заснавання гонкі з перашкодамі Bison Race адзначаюць вялікім спартыўным фестывалем, які праходзіць у Сілічах на працягу трох дзён.

Кульмінацыя прайшла 11 мая, ёю стала камандная гонка. Bison Race лічыцца найскладанейшай гонкай на кантыненце. Сюды мэтанакіравана прыязджаюць з усяго свету, каб выпрабаваць сябе і праверыць узровень фізічнай падрыхтоўкі. Цяжкапраходныя перашкоды - матывацыя станавіцца лепш і ўмацоўваць не толькі цела, але і маральны дух.

Найбліжэйшы забег Bison Race пройдзе не ў звыклых Сілічах або Лагойску, а ў Жодзіне. 8 чэрвеня менавіта ў гэты горад адправяцца наймацнейшыя і мэтанакіраваныя беларусы і госці краіны. 13 ліпеня гонка адбудзецца ў Брэсце.