Мікіта Карнееў стаў бронзавым прызёрам ЧЕ па акадэмічным веславанні

Беларускі спартсмен Мікіта Карнееў выйграў бронзавы медаль на чэмпіянаце Еўропы па акадэмічным веславанні 2025 года, які праходзіць у балгарскім Плоўдзіве, піша БЕЛТА.

Спартсмен увайшоў у тройку лепшых на кантыненце ў мужчынскай адзіночцы лёгкай вагі. У фінальным заездзе Карнееў фінішаваў трэцім з вынікам 7 мін 00,23 сек, апярэдзіўшы весляроў з Ірландыі, Нарвегіі і Фінляндыі. Чэмпіёнам Еўропы сярод спартсменаў лёгкай вагі стаў немец Фабіа Крэс.

У 2024 годзе беларус узяў золата Гульняў БРІКС, а таксама быў сярэбраным прызёрам моладзевага чэмпіянату Еўропы. 1 чэрвеня за прызы кантынентальнага форуму ў Балгарыі пазмагаецца медаліст Алімпійскіх гульняў у Парыжы ў мужчынскай адзіночцы Яўген Залатой.