На Кубку наймацнейшых спартсменаў у Заслаўі сустракаюць другі дзень

На Кубку наймацнейшых спартсменаў у Заслаўі пачаліся заезды на дыстанцыях, якія ўваходзяць у праграму летняй Алімпіяды.

19 чэрвеня розыгрышу медалёў няма, толькі папярэднія і паўфінальныя рэгаты. Яны закончыліся без сенсацый.

Лідары зборнай пацвердзілі свой клас і ўжо рыхтуюцца да бітваў за п'едэстал пашаны ў пятніцу, 20 чэрвеня, і ў выхадныя. Канкурэнцыю беларусам складаюць атлеты з Расіі, Казахстана, Узбекістана і Кітая. Гэтыя спаборніцтвы з'яўляюцца аднымі з асноўных у сезоне. Характэрна, што сёння, 19 чэрвеня, у Чэхіі стартаваў чэмпіянат Еўропы па веславанні на байдарках і каноэ.

Спецыяльна для гледачоў у Заслаўі ўсталяваны дадатковыя трыбуны і вялікі экран. Запушчаны прыгарадны экспрэс-маршрут № 997 ад станцыі метро "Пушкінская". Расклад аўтобуса складзены з улікам стартаў. Прамую трансляцыю вячэрняй сесіі глядзіце 19 чэрвеня на "Беларусь 5" у 16:00.