Спрынтар Жыгар пабіў рэкорд Беларусі 37-гадовай даўнасці на дыстанцыі 200 м

Беларускі спартсмен Мікіта Жыгар пабіў рэкорд Беларусі на дыстанцыі 200 м, які быў устаноўлены 37 гадоў назад, паведаміла БЕЛТА са спасылкай на прэс-службу Беларускай федэрацыі лёгкай атлетыкі.

На чэмпіянаце краіны, які праходзіць у Брэсце, Жыгар стаў уладальнікам залатога медаля на 200-метроўцы, прабегшы дыстанцыю за 20,40 сек., 22-гадовы спартсмен пабіў нацыянальны рэкорд, які быў устаноўлены Аляксандрам Старавойтавым у 1988 годзе (20,63 сек.).

"Вельмі задаволены. Усё лета спрабаваў гэта зрабіць, быў блізкі, але не атрымлівалася. Учора дапусціў памылку на стаметроўцы, таму настрой на сёння быў максімальны, не хацеў аддаваць нічога. Вялікі дзякуй маёй сям'і, а таксама трэнерам за праведзеную работу, яны заўсёды побач са мной, як другія бацькі", - сказаў Жыгар пасля забегу.