У праграме Міжнароднага Мінскага трыятлона змянілася лакацыя старту

Каля 2 тыс. удзельнікаў ужо зарэгістраваліся на Міжнародны Мінскі трыятлон - 2025, які пройдзе 1-2 жніўня.

Адно з галоўных змяненняў - змена лакацыі. Новы старт пройдзе на маляўнічай тэрыторыі ў мікрараёне Лябядзіны.

У праграме, акрамя асноўнага трыятлона, запланаваны дзіцячыя і жаночыя забегі, розныя віды забаўных актыўнасцяў, а таксама мерапрыемства для ўсіх спартсменаў пасля завяршэння выступлення.

Дзмітрый Талкачоў, старшыня Беларускай федэрацыі трыятлона:

"У нас шмат новаўвядзенняў. Змянілася лакацыя старту - зараз трыятлон будзе праходзіць у межах толькі горада Мінска. Дзіцячы забег пройдзе напярэдадні старту".

Міжнародны Мінскі трыятлон пройдзе ўжо восьмы раз і аб'яднае ўдзельнікаў з дзесяці краін.