"Жук-трэйл" у Лагойскім раёне сабраў фанатаў бегу і веласпорту

Маляўнічыя краявіды і трэйлавыя дарожкі, узвышшы і нізіны - фанаты бегу і веласпорту нядзельны дзень 20 красавіка сустрэлі за ўпадабаным заняткам. Аматарскія спаборніцтвы "Жук-трэйл" сабралі ў Лагойскам раёне больш за 400 самых вынослівых і жыццярадасных удзельнікаў з усёй Беларусі.

Тым, хто любіць перамяшчацца на сваіх дваіх, арганізатары прапанавалі дыстанцыі на 5, 10 і 21 км. А тым, хто больш давярае двухколаваму сябру, трэба было яшчэ праехаць 42 км.

На фінішы кожны ўдзельнік традыцыйна атрымаў памятны медаль.