100-гадовы юбілей святкуе ўдзельніца Вялікай Айчыннай вайны мінчанка Ядвіга Яробкіна

Векавы юбілей 6 кастрычніка святкуе ўдзельніца Вялікай Айчыннай вайны, жыхарка Мінска Ядвіга Яробкіна. Яна служыла санітаркай у ваенна-санітарным цягніку, прымала ўдзел у баявых дзеяннях.

Успамінамі Ядвіга Генрыхаўна ахвотна дзеліцца з гасцямі, нагадвае, як важна цаніць мір. Падарункі і цёплыя словы стагадоваму юбіляру ад міністра працы і сацыяльнай абароны Беларусі, адміністрацыі Першамайскага раёна і грамадскіх арганізацый.

Дарэчы, у Першамайскім раёне 6 чалавек дасягнулі 100-годдзя. У Мінску аказваюць дадатковую падтрымку не толькі ветэранам, але і ўсім, хто стаў сведкамі тых страшных падзей. Віншаванні з галоўнымі дзяржаўнымі святамі, дапамога па гаспадарцы. Клопатам і ўвагай атуляюць усіх людзей паважанага ўзросту.