11 жніўня споўнілася 80 гадоў атраду пагранічнага кантролю "Мінск"

Мінскі атрад пагранічнага кантролю годна працягвае традыцыі пакаленняў, надзейна забяспечваючы абарону меж Беларусі. Гэта падкрэсліў кіраўнік Пагранічнага камітэта Канстанцін Моластаў на сходзе з нагоды 80-годдзя атрада.

Іх спецыялісты сустракаюць і праводзяць пасажыраў галоўнай паветранай гавані краіны. А пачыналася ўсё з 6 чалавек у штаце ў пераможным 1945 годзе. Сёння гэта вялікая каманда прафесіяналаў. Сярод задач - ахова інтарэсаў Беларусі на паветраных шляхах. Заслужаныя ўзнагароды яны атрымалі за высокі ўзровень прафесійнай падрыхтоўкі і важкі ўклад ва ўмацаванне нацыянальнай бяспекі.

За прафесійнае выкананне службовых абавязкаў асобныя вайскоўцы былі ўдастоены дзяржаўных узнагарод і адзначаны падзякамі і граматамі ад Дзяржсакратарыята Савета Бяспекі Беларусі.